PUNGUAN SIMANJUNTAK SITOLU SADA INA BORU BERE/IBEBERE

ANGGARAN DASAR – RUMAH TANGGA

PUNGUAN SIMANJUNTAK SITOLU SADA INA BORU & BERE ( PSSSI )

SE-BATAM TIMUR

ANGGARAN DASAR

Pasal 1

Goarni Punguan

Punguan on margoar Punguan Simanjuntak Sitolu Sada Ina, Boru – Bere Ibebere Batam Timur ( PSSSI )

Pasal 2

Inganan

Punguan on maringanan di sude lingkungan Batam Timur

Pasal 3

Dasar Dohot Ojahan

> Mardasarhon Pancasila

> Rim ni tahi dohot holong na marsihaholongan

> Dalihan Natolu

Pasal 4

Sangkap Dohot Tujuan

> Marsiurupan di las ni roha tarlumobi di arsak ni roha

> Pajonokhon na Mardongan Tubu, na mar Boru, mar Bere dohot mar Ibebere

Pasal 5

Anggota ni Punguan

> Pomparan ni Simanjuntak Sitolu Sada Ina, Boru – Bere – Ibebere ima namaringanan di Wilayah Batam Timur ( Dohot diluar Batam Timur / terdaftar di Batam Timur )

Pasal 6

Kewajiban Anggota

>> Mangalehon uang pangkal songon tanda naung resmi anggota ni punguan

>> Rade patandahon diri ditingki partangiangan Bona Taon Dohot partangianan bulanan

>> Mangalehon iuran siganup bulan laho haporluan ni punguan

>> Mandohoti ragam ni ulaon las ni roha dohot arsak ni roha na masa di punguan

Pasal 7

Hak ni Anggota

- Marsaulihon pangurupion sian punguan hombar tu tingki dohot haporluanna

- Mangalehon usul dohot saran nalaho padengganhon hamajuan ni punguan

- Rade mamillit huhut na gabe tarpillit laho pangurus di tonga-tonga ni punguan

- Mardaup, Sitombuk, Hutabulu , naeng ma mangisi BPH ni punguan margilir di tingkina

Pasal 8

Pangurus ni Punguan

Pangurus ni punguan ima anggota naung tarpillit sian antara ni anggota nagabe di tuahon di punguan ima : Pengurus Harian ( Ketua Umum,Ketua I, Ketua II, Sekretaris I,II, Bendahara ) Ketua Sektor, Seksi Adat, Seksi Kerohanian, Paniroi Naposo

Pasal 9

Penasehat

Sada sian Mardaup, Sada sian Sitombuk, Sada sian Hutabulu

Pasal 10

Parhepengon

Ia hepeng ni punguan namarharoroan sian :

> uang pangkal ni anggota baru

> Uang iuran bulanan anggota

> Sumbangan sukarela sian anggota yang tidak mengikat

> Usaha naso maralo tu aturan ni anggaran dasar dohot anggran rumah tangga

Pasal 11

Masa Pangurusan ( BPH )

Masa bakti manang periode ni pangurus lelengna 3 taon , periode ni pangurus na asing tarsurat di anggaran rumah tangga

Pasal 13

Rapot Pangurus

Rapot pangurus di patupa hombar tu haporluanna

Pasal 14

Panutup

Angka naso tarsurat dope di anggaran dasar on, dipatorang mai di anggaran rumah tangga ni punguan

ANGGARAN RUMAH TANGGA

Pasal 1

Goar ni punguan nungnga tangkas tarsurat di Anggaran Dasar

Pasal 2

Tempat / Lingkungan berdasarhon lokasi nagabe sada sector naung di tontuhon, ima :

Sektor Nongsa – Teluk Bakau – Batu Besar-Rajawali

Sektor KDA – Centra Melati - Pesona Asri – Taman Raya – Bandara Mas – SMA 3

Sektor Sei panas – Bukit Beruntung – Kintamani

Sektor Orchid – Baloi Ditpam – Sukajadi – Baloi Kebun

Sektor Baloi Avlau – Baloi Center – Bea Cukai – Baloi Persero – Blok II – VI – Tiban

Sektor Bengkong Indah kavling – Bengkong Indah Atas

Sektor Bengkong Indah bawah – Bengkong Baru – Bengkong Harapan I,II – Bengkong Kolam

Sektor Bengkong Permai – Bengkong Mahkota

Sektor Bengkong Abadi – Bengkong Pioner

Sektor Bengkong Tanjung Buntung – Bengkong Sadai - ( Bengkong Laut )

Sektor Bengkong Sarmen Raya

Sektor Bengkong Palapa I,II,III – Kavling Swadaya

Sektor Bengkong Dalam – Bengkong Tengah – Bengkong Kodim – Bengkong Jaya

Sektor Bengkong Otorita – Bengkong Polisi – Bengkong kartini

Sektor Garama – Bengkong Bengkel – Sakura Permai

Sektor Muara Takus –Borobudur – Seraya – Bukit Senyum – Jodoh

Sektor Baloi Kolam

Sektor Melchem – Batu Merah – Tanjung Sengkuang

Sektor Batam Center Marcellia - Anggrek Sari – Center Park

Sektor Legenda Malaka – Hangtuah – Bida Asri 1 – Mediterania

Sektor Pesona Mantang , Bengkong Wahyu

Sektor Bengkong Langit

Pasal 3

Dasar ojahanna nungnga tangkas tarsurat di Anggaran Dasar

Pasal 4

Sangkap dohot tujuan nungnga tangkas tarsurat di Anggaran Dasar

Pasal 5

Parsidohot anggota ni punguan ima sude Pomparan ni Simanjuntak Sitolu Sada Ina, Boru, Bere, Ibebere na maringanan di wilayah Batam Timur dohot hatorangan :

- Didaftarhon nasida tu pangurus ni punguan

- Rade nasida mangulahon songon naung tarsurat di anggaran dasar dohot anggaran rumah tangga

- Mangulahon angka naung di putushon rapot ni pangurus

Pasal 6

Kewajiban ni anggota naung tarsurat di Anggaran Dasar ima songon garis besar ni Anggaran Rumah Tangga on. Dihilala roha do tumangkas surat honon asa sude hita mangantusi kewajiban songon anggota ni punguan ima :

> Songon bukti parsidohot do hita di punguan , mangalehon uang pangkal godangna Rp. 50.000,- ( Lima puluh ribu rupiah )

> Ala ulaon sosial do tujuan dohot sangkap ni punguan on marlapatan mai mamorluhon dana / biaya, jadi songon hasil keputusan ni punguan, mangalehon iuran ma hita Rp. 5000,- ( Lima ribu rupiah ) ganup bulan

> Sada kewajiban do tu ganup anggota ni punguanta marsitungkol tungkolan dohot marsipaingotan di nahumurang

> Sada kewajiban do tu ganup anggota ni punguan mambolongkon bangko-bangko ima : paula so diboto, marsidalian, marsiutangan

> Sada kewajiban do tu ganup anggota ni punguan laho mandohoti ulaon las ni roha dohot arsak ni roha

Pasal 7

Hak ni anggota naung tarsurat di Anggaran Dasar ima songon garis besarna, alai asa tumangkas antusan dohot botoan ta olat ni dia bidang na naeng siurupan ni punguan molo jumpa / sahat tu hita na masa ima :

A. Ulaon las Ni Roha

Molo adong anggota dohot anak/boru, bere, ibebere tangkas ni anggota punguan mamasu- masu huhut adat nagok di Batam / di luar Batam, molo digokkon do punguan, patupaon ni punguan ma tu ulaon I sa asam Rp. 300.000,- ( tolu ratus ribu rupiah ).

Molo adong mangoli / muli sian luar Batam, jala ulaon ni di Batam jala punguan na mangulahon ulaoni, ingkon pasahaton ni nasida ma Rp 500.000 ( Lima Ratus Ribu ) tu punguan PSSSI Batam Timur

Molo adong anggota ni punguan pindah tu luar Batam ( molo dipaboa tu punguan ) dilehon punguan ma kado sa asam Rp.200.000,- ( dua ratus ribu rupiah )

Molo adong anggota naposo mangoli / muli, bahenon ni punguan ma nahombar tu ulaon I sa asam Rp. 200.000,- ( dua ratus ribu rupiah ) ( anggota naposo na aktif di PSSSI Batam Timur )

B. Ulaon Arsak Ni Roha

Molo adong anggota ni punguan monding, sada kewajiban do di hita nalaho marsipaboaan. Jala molo sibornginan do na monding I, sude anggota roma tusi, tarlumobi anggota najonok tu namasa i, sipangurupi do punguan tu keluarga na marsitaonan I, godangna Rp.1.000.000,- ( Sajuta rupiah ), ditambah indahan soso-soso godang na Rp.300.000,-( tolu ratus ribu rupiah ) Jala molo dibagasan adat rap udur ma sude anggota manuppaki ulaon i.

Molo adong natua-tua ni anggota punguan monding di Batam, patupaon ni punguanma karangan bunga sa asam Rp.300.000,- ( tolu ratus ribu rupiah )

Molo adong anggota ni punguan manang anak ni punguan na marsahit, jala opname minimal 3 ari di rumah sakit, dipatupa punguanma buah tangan sa asam Rp.200.000,- ( dua ratus ribu rupiah )

Molo adong anak / boru ni anggota ni punguan monding, patupaon punguanma pangurupion godang na Rp.300.000,- ( tolu ratus ribu ) di tamba indahan soso-soso.tambah teken les

Molo adong natua-tua ni anggota punguan monding di bona pasogit, dung mulak nasida sian bona pasogit, punguan laho ma marhata togar-togar tusi,sipatupaon tu ulaoni Rp.250.000,- ( dua ratus lima puluh ribu rupiah )

Molo adong anggota na poso monding, patupaon punguan ma pangurupion Rp.200.000,- ( dua ratus ribu rupiah ) ( dohot hatorangan terdaftar dipunguan naposo )

Molo adong namasa bencana alam dohot na marsahit borat tu anggota punguan, sada kewajiban ni punguan do laho mangurupi keluarga ( marrapot ma pengurus padalanhon teken les)

Pasal 8

Pangurus ni punguan nunga tangkas tarsurat di Anggaran Dasar

Pasal 9

Penasehat

Tugas ni Penasehat ima :

>> Sipaniroi di sude namasa ditonga tonga ni punguan

>> Mangojakhon dohot mambubarhon pengurus

Pasal 10

Tugas ni Pangurus

Asa tumangkas di surat ma di Anggaran Rumah Tangga on

1, Pangurus Harian ima nagabe manguluhon ulaon namasa ditonga-tonga ni punguan

2, Ketua Sektor nagabe magurusi anggota di sektorna

3, Seksi Adat mangurusi adat

4, Seksi Kerohanian mangurusi kerohanian / partangiangan / jadwal namarulaon

Ketua Umum :

- Manguluhon sude ulaon namasa di punguan i

- Mangaradoti tugas ni sandok pangurus di punguan i

Ketua 1

- Mangkoordinir ulaon na dipasahat ni hasuhuton tu Punguan

- Manontuhon tikki dohot inganan partangiangan si ganup bulan

- Mangarahon anggota asa rap ro tu partangiangan

- Mewakili tugas ni ketua umum molo marhalangan

Ketua 2

- Manontuhon tingki pangapulion manang marhata togar-togar

- Mewakili tugas ni ketua umum / ketua I , molo marhalangan

Sekeretaris 1

- Pasahathon boa boa namasa marhite tulisan / lisan

- Mambahen laporan / kegiatan namasa di punguan, dipartangiangan bona taon

Sekeretaris 2

- Mambaen Data Base punguan ( Web Site )

- Mambahen laporan torop ni anggota dohot inventaris ni punguan

Bendahara

- Mambahen laporan parhepengon ni punguan di rapot pengurus, dipartangiangan bona taon marhite tulisan / lisan.

Catatan : Inventaris ni punguan akan di jual/dilelang

Ketua Sektor

- Paboahon tu BPH ni punguan molo adong namasa di anggota na

- Mamungut iuran paling saotik sahali tolu bulan ( 1 x 3 bulan )

- Mangarahon sude anggota ni punguan di sektor na molo adong namasa

- Mangulahon ulaon na met-met songon marhata togar-togar, mamereng namarsahit di sektorna masing-masing

Pasal 11

Parhepengon dohot pamangkeon na

A. Parhepengon

Haroroan parhepengon ima sian :

>>> Uang pangkal

>>> Uang bulanan / iuran

>>> Sumbangan sukarela / donator ( tanpa ikatan )

B. Pamangkeon na

Pamangkeon na parhepengon ni punguan tudos tu na tarsurat di Anggaran Dasar dohot di Anggaran Rumah Tangga, dohot keputusan ni rapot pangurus, molo adong pembiayaan na so tarsurat, boanon mai tu rapot pangurus asa dapot dos ni roha songon dia nahombar tusi

Pasal 12

Masa bakti ni pangurus punguan na mar periode ima :

BPH > marperiode 1 x 3 taon

Ketua Sektor > Diganti apabila yang bersangkutan mengundurkan diri dan mengajukan penggantinya

Pasal 13

Sipamasaon do rapot ni pangurus punguan paling saotik 1 x 3 bulan

Pasal 14

Sanksi tu anggota ni punguan :

Dang hea ro tu ulaon bona taon tolu hali marturut-turut ( absensi bona taon )

Dang hearo tu ulaon manang namasa dipunguan ( di parate-atehon pangurus )

Dang hea mangalehon iuran bulanan tolu taon marturut-turut ( laporan ni ketua sektor )

Sanksina ima :

Anggota nasisongon on di anggap mangundurhon diri. Sanksi on dibahen mardasarhon Anggaran Dasar Pasal 4,6 dohot Anggaran Rumah Tangga pasal 5, 6:2, 6:3, 6:4, 6:5, dan 15

Pasal 15

Marnida perkembangan ni punguan di ari parpudion, nang tu tingki namangihut, porlu dibahen sunggul-sunggul dipasal parpudi on ima :

Molo adong boa-boa marhite lisan / tulisan ro ma hita manggohi boa-boa I

Tapadao ma rohanta sian marhata pudi / marhata met-met

Sude ma hita pomparan ni Simanjuntak Sitolu Sada Ina, Boru, Bere, Ibebere na olo jala rade pature-ture punguanta

Anggaran dasar dohot Anggaran Rumah Tangga ni punguan di patupa di.P.Batam dohot hatorangan molo adong nahurang lobi naso tarsurat dison, dipatupa mai muse ( rapot anggota ) nalao padengganhon punguan on

Hatorangon : AD / ART on di padenggan na paonomhalihon ( revisi 7 )

P.Batam, 11 Mei 2017

( Punguan PSSSI Batam Timur )